Қазақстанда алаяқтар көбінесе қандай сөзді қолданады?

Ішкі істер министрлігі телефон арқылы қазақстандықтарды алдайтын алаяқтар жиі қолданатын алты сөз тіркесін атады, деп хабарлайды Polisia.kz .

Егер сізге бейтаныс адам қоңырау шалған кезде мына сөз тіркесін естісеңіз, дереу телефонды тастаңыз, - деп хабарлады ІІМ.

Алаяқтардың жиі айтатыны:  

• сіздің ақшаңызды ұрлағалы жатыр, күдікті  операция тіркелді;
• SMS-кодын жазып жіберу;
• тергеу амалдары жүріп жатыр, алаяқтарды ұстауға көмектесіңіз және ақпаратты жария етпеңіз;
•  несие рәсімдеуге өтінім берілді;
• арнайы және қауіпсіз шотқа ақша аудару;
• банк картаңыздың/SIM картаңыздың мерзімі аяқталып қалды.

Полиция азаматтарға қырағылық танытып, туыстары мен достарына ескерту жасауға кеңес береді.

ФОТО: pixabay