Екібастұз әкімдігі 126 млн болатын екі учаскені 1 млрд теңгеге сатып алмақ болған
Павлодар облысының прокуроратурасы мемлекет бюджетінен 1 миллиард теңгеден астам қаржының негізсіз жұмсалуының жолын кесті. Бұл қаражат МАЭС-3 электр станциясын салу үшін жер сатып алуға арналған.
Екібастұз қаласының әкімдігі ауылдық аймақтағы ауданы 25 га және 5 га екі учаскеге бағалау жүргізген, алайда жер үшін құны едәуір жоғары - қалалық жердің бағалары пайдаланылған.
«Нәтижесінде нақты құны 126 млн болатын екі учаске бюджетке 1 001 197 999 теңгеге шығын келтіре жаздады», - делінген хабарламада.
Прокурорлық қадағалау актісі бойынша бюджеттік өтінім кері қайтарылған. Учаскенің меншік иелерімен сатып алу туралы келісім жойылып, кінәлі лауазымды тұлғалар жазаланды.
Фото: ашық дереккөзден
Самое читаемое
