Атырауда 7 жастағы қыздың үстіне ескерткіш құлады
Атырауда 7 жасар баланы ескерткіш басып қалды. Қайғылы оқиға туралы қалалық Полиция басқармасы мәлімет берді.
Келеңсіз жайт 26 маусымда сағат 00:40 шамасында Атыраудағы Жеңіс саябағындағы алаңда орын алған.
«2017 жылы туған қыздың үстіне ескерткіш құлады. Алған жарақатының салдарынан қыз облыстық балалар ауруханасында көз жұмды», - деп хабарлады құқық қорғау органдары.
Қазір бұл факт бойынша тергеу жүргізіліп жатыр. Сот-медициналық сараптама тағайындалды. Басқа мәліметтер тергеу мүддесі үшін жарияланбайды.
Фото: azh.kz
Самое читаемое
