Ресейлік мәнерлеп сырғанаушы Қазақстанның әнұранын үйреніп жүр

17 жастағы мәнерлеп сырғанаушы Софья Самоделкина Қазақстанның әнұранын жаттап жүргенін мәлімдеді, деп хабарлайды Malim.kz.

Мамыр айында оның Қазақстан атынан өнер көрсету үшін Ресейдің мәнерлеп сырғанау федерациясынан кеткені белгілі болған.

(Қазақстан гимнін үйренуді) Бастадым. Қазақ тілінде сөздердің бәрін дұрыс айту қолымнан келетіндігіне күмәнім бар, бірақ тырысамын, - деді Самоделкина.

Самоделкина – Словенияда жасөспірімдер арасында өткен Гран-придің күміс жүлдегері (2021), Ресей чемпионатының күміс жүлдегері (2022), Ресей кубогы финалының жеңімпазы (2020), Денис Тен атындағы мемориал жеңімпазы (2021), Ресейдің спорт шебері.

Фото: ©instagram.com/sofyasamodelkina