Ұлттық кардиохирургия орталығы "Назарбаевқа" сыйға берілді

Ұлттық ғылыми кардиохирургия орталығының 100 пайыз акциясы Назарбаев Университетіне сыйға берілді.

«Кардиохирургия ұлттық ғылыми орталығы» коммерциялық емес акционерлік қоғамы акцияларының 100 пайыз мемлекеттік пакетін  "Назарбаев Университеті" дербес білім беру ұйымының меншігіне өтеусіз беру», - делінген үкімет қаулысында.

«Назарбаев Уриверситеті» 2010 жылы экс-президент Нұрсұлтан Назарбаевтың бастамасымен ашылған. 2011 жылы Нұрсұлтан Назарбаев «Назарбаев Университеті», «Назарбаев зияткерлік мектебі» және «Назарбаев қоры» жөнінде арнайы заңға қол қойған. Дәл осы жылы білім ордасы заңдық статусын өзгертіп, «автономдық білім беру ұйымы» атанған. Университет Білім және ғылым министрлігіне бағынбайды. Өзіндік білім стандартымен жұмыс істейді.