Түркиядағы су тасқынынан бірнеше адам қаза тапты
Түркияда су тасқынынан 14 адам қаза тауып, бес адам із-түзсіз жоғалды. Бұл туралы Memurlar.net онлайн басылымы хабарлады.
Ішкі істер министрі Сүлейман Сойлу Шанлыурфада 12 адам, Адияманда екі адамның қаза тапқанын, 5 адамды іздеу жұмыстары жүргізіліп жатқанын айтты.
«Іздеу жұмыстарын жалғастырамыз. Сондай-ақ шығынды анықтау жұмыстары да басталды», - деп мәлімдеді ол.
Басылым мәліметінше, 14 наурызда Шанлыурфада қатты жаңбыр жауған. Сел провинцияның әкімшілік орталығының бірқатар көшесі мен даңғылын басып қалған.
Самое читаемое
