Түркістан облысында жаңа аудан құрылды

Бүгін президент Қасым-Жомарт Тоқаевтың қаулысымен Түркістан облысында жаңадан Сауран ауданы құрылды. Оның әкімшілік орталығы Шорнақ ауылында орналасады.

"Түркістан облысының құрамында әкімшілік орталығы Шорнақ ауылында орналасатын Сауран ауданы әкімшілік-аумақтық бірлігі Кентау қаласының құрамынан Шаға, Жаңа Иқан, Ескі Иқан, Үшқайық, Иассы, Оранғай, Қарашық, Жүйнек, Бабайқорған, Шорнақ, Жібек жолы, Майдантал ауылдық округтерін бөлу жолымен құрылсын", - делінген қаулыда.

Осылайша Сауран ауданына Кентау қарамағында болған 12 ауылдық округ кірді.

Екі жыл бұрын Кентауға шалғайдағы елдімекендер қосылған соң, сол ауылдардың тұрғындарына аудан орталығына қатынау қиын деген уәждер айтылан.