Тоқаев Сенат төрағалығына Әшімбаевты қайта ұсынды

Президент  Қасым-Жомарт Тоқаев Сенат Төрағасы лауазымына Мәулен Әшімбаевтың кандидатурасын ұсынды.  Әшімбаев бұл лауазымда отырғанына 3 жыл болды. Ол 2020 жылдың  4 мамырында Сенат төрағасы болып сайланған. 

«Өздеріңіз білесіздер, менің Жарлығыммен Мәулен Сағатханұлы Әшімбаев Сенат депутаты болып тағайындалды. Конституцияның 58-бабының 1-тармағына сәйкес, Сенат Төрағасы лауазымына Мәулен Сағатханұлы Әшімбаевтың кандидатурасын ұсынамын. Ол бұған дейін осы міндетті абыроймен атқарды. Заң шығару жұмысын жақсы біледі. Мемлекеттік қызметтегі тәжірибесі мол. Сондықтан, оны Сенат Төрағалығына лайықты деп санаймын», деді Тоқаев.