Әлібек Қуантыров Сыртқы істер министрінің орынбасары болып тағайындалды

Мемлекет басшысының өкімімен Әлібек Сакенұлы Қуантыров Сыртқы істер министрінің орынбасары лауазымына тағайындалды, деп хабарлайды Malim.kz Ақордаға сілтеме жасап.

Сондай-ақ Мемлекет басшысының өкімімен Назира Нұртүлеуқызы Нұрбаева Қазақстан Республикасы Сыртқы істер министрінің орынбасары лауазымынан босатылды.

Ол 1983 жылы Атырау қаласында туған.

Томск мемлекеттік университетін, Мичиган университетін бітірген, қолданбалы экономика магистрі. Президенттік жастар кадр резервінің мүшесі.

2021-2022 жылдары Ұлттық экономика вице-министрі, 2022-2024 жылдары Ұлттық экономика министрі лауазымында қызмет атқарған. 

1 сәуірде KazEnergy бас директоры болып тағайындалған болатын.

Фото: t.me/KZgovernment