Кісі өлтірді деген күдікпен 4 адам ұсталды
Алматы облысында жоғалған адамның денесі табылды. Бұл туралы облыстық полиция хабарлады.
Бірер күн бұрын әлеуметтік желіде Қарасай ауданы Жібек ауылында із-түзсіз жоғалып кеткен ер адам туралы ақпарат шыққан болатын. Ол 2 қарашада үйінен шығып, қайтып оралмаған. Алматы облысының полициясы 9 қарашада Алмалыбақ ауылының шетінен жоғалып кеткен адамның денесі табылғанын хабарлады. Полиция адам өлтірді деген күдікпен 4 адамды ұстаған.
Алматы облыстық полиция департаменті мән-жайдың анық-қанығын зерттеп жатыр. Тергеу амалдары басталған.
Фото: instagram.com/volontery_almaty_lider.kz
Самое читаемое
