Былтыр Маңғыстауда қылмыс саны қатты өскен

Бас прокуратураның Құқықтық статистика және арнайы есепке алу жөніндегі комитетінің мәліметіне сәйкес, былтыр елімізде жалпы қылмыс 5,3%-ға (140 272-ден 132 778-ге) төмендеген, деп хабарлайды Malim.kz.

Дегенмен, мына өңірлерде қылмыс саны өскен:

Маңғыстау облысында 12,2%-ға (3097-ден 3474-ке), Атырау облысында 8,5%-ға (4283-тен 4647-ге), Павлодар облысында 5,6%-ға (5039-дан 5322-ге), Қызылорда облысында 4,6%-ға (2871-ден 3003-ке), Ұлытау облысында 2,8%-ға (1278-ден 1314-ке), Алматы облысында 1,6%-ға (10223-тен 10385-ке) және Ақмола облысында 0,7%-ға (5084-тен 5120-ға) дейін байқалады.

Ең көп қылмыс Алматы – 24 965 (18,8%) және Астана қалаларында – 17 339 (13,1%), Алматы – 10 385 (7,8%) және Қарағанды – 7 562 (5,7%) облыстарында жасалған.

Қылмыстық құқықбұзушылықтардың 34%-ы алаяқтық (45 156), 23%-ы – ұрлық (30 593), 6,3%-ы – есірткі қылмысы (8 363), 1,2%-ы – тонау (1 551), 1,2%-ы – бұзақылық (1 615), 0,8%-ы – мал ұрлығы (1 051), 0,4%-ы – адам өлтіру (566), 0,3%-ы – зорлау (421), басқа құқықбұзушылықтар – 32,7% (43 462).

Онша ауыр емес қылмыстар – 7,6%-ға (21 826-дан 20 178-ге), ауырлығы орташа қылмыстар – 16,8%-ға (58 874-тен 48 992-ге) және ауыр қылмыстар – 2,2%-ға (37 548-ден 36736-ға) төмендеген.

Сонымен қатар, ұрлық – 28,3%-ға (42 639-дан 30 593-ке), оның ішінде ұялы телефон ұрлығы – 30,9%-ға (10 530-дан 7 273-ке), пәтер ұрлығы – 33,5%-ға (3 566-дан 237-ге), көлік ұрлығы – 42,2%-ға (258-ден 149) айтарлықтай кеміген.

Сондай-ақ, мал ұрлығы да – 30,9%-ға (1520-дан 1 051-ге) азайған.

Фото: freepik.com