Алматыда Apple Fest-те 127 тонна алма сатылымға шығарылады

Алматыда 2-30 қыркүйек аралығында қала күніне орай 100-ден астам мәдени, спорттық, ойын-сауық және экологиялық іс-шаралар өтеді, деп хабарлайды Malim.kz.

Қала әкімдігінің мәлімдеуінше, күздің алғашқы айындағы басты оқиға – Apple Fest 16-17 қыркүйекте өтеді. Онда қазақстандық суретшілердің бірегей smart-нысандары Artbat-ты безендіреді.

Сондай-ақ, Тұңғыш Президент саябағы алма резиденциясына айналады. Облыстық шаруашылықтар 127 тонна алманы сатылымға шығарады.

Қаланың барлық мерекелік орны автобус қатынасына қосылады. Қоғамдық көлік жұмыс кестесін сағат 00.00-ге дейін өзгертеді. Карусельде қала күніне арналған бірнеше негізгі іс-шара көрсетілген.

Фото: Ярослав Радловский